Gintupok sang kalayo ang isa ka residential area sa Zone 3 Calong-Calong Bangga Pulis, Brgy. Singcang-Airport, Bacolod City, Negros Occidental, pasado alas-7:00 sang gab-i.
Santo sa inisyal nga imbestigasyon, isa lamang ka istraktura ang totally damaged kag ini ang ginapanag-iyahan ni Ludovico Palcutan.
Nagdangat naman sa P360,000 ang halit sang sunog.
Ini ang gindeklarar nga fire out sa takna nga alas-7:54 sang gab-i.
Wala gid sang nasalbar nga pagkabutang ang bata sang tag-iya sang balay nga nasunog.
Sa interview sang Bombo Radyo kay Christian Palcutan, nagaisahanon lamang ini sa ila balay sang nagluntad ang sunog bangud ang iya mga ginikanan ang yara sa Libertad Public Market nga naga-atinder sang ila nga negosyo.
Suno kay Palcutan, nakabati ini una sang nagasirit kag nag-igrab nga amo ang gintunaan sang kalayo.
Gintungahaan man sini nga masalbar ang ila mga gamit apang naka-lock ang kwarto sang iya mga ginikanan.
Wala ini sang nasalbar bangud madasig nga nagdako ang kalayo gani nagdali-dali na lamang ini sa paggwa, kag siya ang nag-angkon man sang paso sa abaga.
Suno diri, wala na ini sang nahimo pa kundi maglantaw nalang sang samtang ginatupok sang kalayo ang ila nga balay.
