Partially damaged ang isa ka balay matapos masunog sa Barangay 3, Bacolod City kahapon sang hapon.
Sa interview sang Bombo Radyo Bacolod kay Alyas Ren, witness sa nagluntad nga sunog, nagsaka sila gilayon bangud may nagpahibalo sa iya nga nasunog ang balay sang iya magulang.
Dali dali man ini nga nagsaka sa balay kag nakita nga ang kalayo ang naghalin sa kuryente.
Ginbasyahan man nila sang tubig ang kalayo agud nga mapalong kag indi na maglaton sa iban nga balay.
Suno kay Alyas Ren ang kuryente ang nagasag-id sa atup nga mahimo nagspark nga naglab-ot sa mga bayo nga nagtuga sang kalayo.
Nagpasalamat man ini nga nahingagaw nga mapalong ang kalayo kag wala na maglaton sa iban nga balay.
Samtang ginpahayag sang Punong Barangay nga ginprioritize sang mga ini ang safety sang nasunugan kun kinahanglan nga i-evacuate.
Sa interview sang Bombo Radyo Bacolod kay Punong Barangay Leonides Asan, ginhatagan na nila sang food packs ang nasunugan kag to follow nalang ang bulig nga ihatag sang ciudad kag sang Office of the Congressman.
Personal man ini nga nagpadulong sa nasunugan kag nagtawag man ini gilayon sang bombero.
Dugang pa sang Punong Barangay nga kinahanglan man nga mahatagan sang bulig ang nasunugan bangud ini ang madamo sang kabataan.
