Isa ka balay ang totally damaged kag isa ang partially damaged sa sunog nga nagluntad sa Purok Malvar, Cubay, Barangay Villamonte, Bacolod City.
Sa interview sang Bombo Radyo Bacolod kay Senior Fire Officer 4 Archie Españo, chief intelligence unit sa Bureau of Fire Protection – Bacolod, nareport ang pagluntad sang structural fire sa nasambitan nga residential area ala-1:41 kahapon sang hapon samtang ini ang nafire out ala-1:58 sang hapon.
Ang balay nga totally damaged ang human sa light materials ang lawas kag may atop nga GI sheet samtang gamay lamang ang damage sa kaingod nga balay bangod ini ang concrete gani wala nakapenetrate ang kalayo.
Ang balay nga ginhalinan sang sunog ang ginapanag-iyahan ni Harris Estrada samtang ang kaingod sini nga naulamid ang ginapanag-iyahan ni Dominador Cañete Jr.
Ang sunog ang gindeklarar lamang nga 1st alarm kag may ginabanta balor sang kahalitan nga P36,000.
Sa imbestigasyon sang Bacolod City Fire Station, ang kalayo ang nag-umpisa sa kwarto ni Estrada kag ini ang electrical in nature.
