Isa ka balay ang totally damaged samtang tatlo ang partially damaged sa sunog nga nagluntad sa Purok 6, Barangay Singcang Airport, Bacolod City pasado alas 9:00 kagab-i.
Sa interview sang Bombo Radyo kay Punong Barangay Rosinie Distrito, ang tag-iya sang balay nga gintupok sang kalayo amu si Dennis Louie Herrera samtang ang tag-iya sang tatlo ka partially damaged nga balay amu sanday Melody Laurencio, Carmelita Bornea kag Roslyn Dohaylo.
Nagdangat sa first alarm ang sunog kag nagbuligay ang mga residente agud ini ang matapna.
Aminado si Distrito nga may kabudlayan sa pagsulod ang mga firetrucks bangud madamo sang nagapark nga mga salakyan sa dalan.
P15,000 ang balor sang halit nga gintuga sang sunog kag kandila ang ginalantaw nga gintunaan sang kalayo.
Suno diri, may isa ka balay nga wala kuryente kag nagamit lamang sang kandila kag ila ginalantaw nga diri nagsugod ang sunog.
Sa karun nagatinir sa Day Care Center ang pamilya nga apektado.
