Nagpatukod sang campaign ang Caritas Bacolod Social Action Foundation Inc. sa pagbulig sa mga biktima sang paglupok sang Bulkan Kanlaon.
Sa interview sang Bombo Radyo kay Rev Fr Julius Espinosa, director sang Caritas Bacolod Social Action Foundation Inc. kaupod sa ila kampanya ang Queenbank kag Carlos Hilado Memorial State University.
Tuyo nila nga una nga buligan ang banwa sang La Castellana nga amo ang may pinakamadamo nga evacuees.
Suno diri, ila ginalantaw nga nagapanguna nga kinahanglanon sang mga evacuees ang pagkaon, tubig, facemask, vitamins kag cash donations.
Pahayag ni Espinosa, ini ang ila paagi sa pagpabatyag sa mga evacuees nga yara sila nga nagabulig.
Mahimo nga makahatag sang donasyon sa mga simbahan; magsend sa gcash number nga 0927 971 0303 Jan Iver Dema-ala, Federation Treasurer sang CHMSU University Student Government; kag sa Queenbank sa account number nga 002-02-00155-5.
