Isa ka gramo nga shabu, nakuha sa isa ka package sang tinapay nga naintercept sa DPL Transport Services Terminal

Ginturn-over sang isa ka terminal sa Bacolod ang isa ka package sang tinapay nga naga-unod sang isa ka plastic sachet sang suspected shabu kahapon.

Sa impormasyon nga nakuha sang Bombo Radyo, ginturn-over sang DPL Transport Services Terminal sa mga kapulisan ang isa ka package sang tinapay nga naga-unod sang isa ka gramo sang suspected shabu.

Ang nakumpiskar nga illegal nga druga ang may standard drug price nga P6,800.

Ginpatigayon ang inventory sa Lopez Jaena Street, Brgy. 31, Bacolod City kun sa diin man nahamtang ang DPL Transport Services Terminal.

Ang nakuha sang suspected shabu ang pagadal-on sa Philippine National Police Forensic Unit 6 para sa forensic examination.