Wala na sang mas masakit pa para sa iloy nga maeksperyensyahan ang pagtaliwan sang iya bata.
Kun may yara ka sang mahimo para indi maluwas ang imo iloy sa ini nga kasakit, himoon mo ayhan?.
Sa China, may isa ka pamilya nga naghimo sang AI nga kaangay sa ila himtata nga napatay sa aksidente para lamang padayon nga makakomunikar ang iya 80 anyos nga iloy sa iya paagi sa video call.
Tubtob sa karun wala ginpahibalo ang iloy nga napatay na ang iya bata kag ginpapati ini nga busy lamang sa trabaho ang lalaki.
Kun mag-esturya ang iloy sa iya bata sa video call, ginahambalan pa sini nga maghalong kag magkaon sang maayo kag nagapromisa man ang lalaki nga mabisita ini kun indi na siya busy sa trabaho.
Santo sa report, ang napatay ang naga-isahanon nga bata sang tigulang kag bangod nagasuprer ang iloy sang heart disease, nagdesisyon ang pamilya nga tagoon ang pagkapatay sang iya bata.
Iban sa mga tawo wala nanamian sa ginhimo sang pamilya samtang iban naman naintindihan kun ngaa naglab-ot sa amo nga desisyon ang pamilya.
