Isa ka job order casual sa San Carlos City government, nagpositibo sa illegal drug use kadungan sang random drug test

Nagpositibo ang isa ka job order casual sa San Carlos City government sa random drug test nga ginpatigayon sang ciudad.

Sa interview sang Bombo Radyo kay San Carlos City Mayor Renato Gustilo, indi pa sini mahatag kun sa diin nga departamento nalakip ang JO nga nagpositibo sa illegal drug use.

Sang Lunes, nagpatigayon sang drug test sa 40 ka empleyado sang City Engineer’s Office apang wala pa ini sang may nakuha nga impormasyon kun didto nagikan ang nagpositibo.

Madamo man ini sang ginpaidalom sa drug test apang isa gid lamang ang nagpositibo.

Ginrekomendar sini nga ipaidalum sa rehabilitation program ang JO ukon siya ang kasuhan sang kaso administratibo, ukon magpasa na lang ini sang resignation letter.