Utod ang isa ka tiil sang drayber sang motorsiklo matapos sini mabugguan ang nakapark nga salakyan sa Purok Malungay, Brgy Calumangan, siyudad sang Bago, kahapon.
Ang drayber sang motorsiklo nga Kawasaki HD3 amo si Efren Centena, residente sang Purok Mahogany sa nasambit nga barangay, samtang ang salakyan naman nga Ford Ranger Pick-up ang ginapanag-iyahan ni Reynaldo Vengano, 36 anyos, residente sang Purok Zone 5, Barangay Tagda, banwa sang Hinigaran.
Sa interview sang Bombo Radyo kay Police Lieutenant Colonel Joem Malong, hepe sang Bago City Police Station, nakapark sa atubang sang simbahan ang salakyan ni Vengano para kun tani ini pa-blessingan.
Suno diri, nadulaan sang kontrol sa motorsiklo si Centena gani ini nabunggo sa likod sang salakyan.
Suno naman sa mga naka-witness, hypertension ang rason kun ngaa wala nakontrolar ni Centena ang ginamaneho nga motorsiklo.
Bangod sa collision, nag -agom sang pilas sa ulo si Centena kag nautod ang natuo sini ng tiil.
Ini gilayon nga gindla sa ospital para hatagan sang nagakaangay nga pagbulong.
Samtang suno kay Vengano wala naman ini kun tani plano nga pasakaan sang kaso si Centena, apang hulaton pa sini kun maayo na ang kondisyon ni Centena kag lantawon kun ano ang mahimo nga settlement.
