Isa ka mall sa ciudad sang Bacolod, ginaduso nga himuon paid parking ang ila bakante nga lote

Ginaduso sang isa ka mall sa ciudad sang Bacolod nga himuon na lang nga paid- parking area ang ila bakante nga property bangod nga madamo sang pribado nga salakyan nga nagapark.

Suno kay Bacolod City Mayor Alfredo Benitez, ginpropose sang Ayala Mall Capitol Central ang ila nga bakante nga area ang himuon na lang nga parking area apang ini ang may bayad.

Suno diri, nagapangita na lang sang operator ang mall para sa ila ginaduso nga plano.

Apang, suno sa alkalde, magapakighinun-anon pa ini sa Ayala Mall Capitol Central.