Nagsungka ang isa ka miyembro sang New People’s Army sa 94th Infantry Battalion sang Philippine Army kasunod sa nagluntad nga engkwentro sa tunga sang tropa sang gobyerno kag remnants sang Central Negros 2 sa Barangay Buenavista, Himamaylan City, Negros Occidental sang Hunyo 6.
Sa interview sang Bombo Radyo Bacolod kay 3rd Infantry Division Public Affairs Office Chief Col. Erwin Rommel Lamzon, ang nagsurrender ang ginkilala nga si Jeron Coratibo Fundador alyas Kuling, nga nagaserbe bilang political guide, nga nanago sang nagluntad ang engkwentro kag makalipas ang pila ka oras, nagapkita ini sa mga suldado kag nagsurrender.
Suno diri, wala na nanamian si alyas Kuling sa pag-upod sa makawala nga grupo kag nagakabatian man sini kun ano ang nagakatabo sa iban nila nga miyembro sa iban nga area.
Sa karun yara na ini sa paghinakop sang 94th Infantry Battalion
