Patay ang isa ka gina-alegar miyembro sang New People’s Army sa engkwentro batok sa 62nd Infantry Battalion sang Philippine Army sa Sitio Ngalan, Brgy Trinidad, Guihulngan City, Negros Oriental alas-7:30 sang agan sang Marso 17, 2026.
Ang engkwentro ang naglawig sang duha ka minutos antes nagpalagyo ang tatlo ka mga rebelde sa naaminhan-nakatungdan nga dereksyon.
May nakita naman nga mga tinulo sang dugo sa encounter site nga ginapatihan iya sang napilasan nga NPA member.
Kahapon, Marso 18, kapin alas-4:30 sang hapon, nakabatun sila sang report nga may nasapwan nga bangkay sa Sitio Inangaw, Brgy Macagahay, Moises Padilla, Negros Occidental.
Ang bangkay ang ginkilala nga si Edgar Tingting alyas Pagat, miyembro sang Central Negros 1, nga amo ang naka-engkwentro sang Intelligence platoon sang 62nd IB.
Narecover sa engkwentro ang isa ka KG9 semi-automatic pistol, duha ka magazine sang KG9 nga may 14 ka bala, kag duha ka empty shells sang 9mm ammunition.
