Ginpatpat sang isa ka pari sa Our Lady of Candles Parish kun ano ang matuod nga rasun kun ngaa pula ang kalendaryo kag wala sang trabaho sa pag-obserbar sang Semana Santa.
Sa interview sang Bombo Radyo kay Rev Fr Chris Gonzales, para sa iya wala na sang may matahum pa nga adlaw kun ikumparar sa Semana Santa.
Suno diri, ini ang ginpreparahan sa sulod sang 40 ka adlaw para sa highlight sa kabuhi sang Katoliko.
Kasunod sa pagsuspend sang trabaho, nagpanawagan si Gonzales nga balikan kun ano ang tinutuyo kun ngaa pula ang kalendaryo.
Pagpa-athag sini, wala ginahimo nga bakasyon ang Semana Santa, apang ini ang tion nga makaupod ang pamilya sa pagsimba, amo nga ginhatagan sang kahigayunan nga wala sang trabaho.
Dugang pa sini, sa pagpatigayon sang Visita Inglesia, ang daw kaangay na sa karun sang bisita turista bangod nga ang mga tawo nagalantaw na lang sang dekorasyon, mapa-picture kag ang pagtahod nadula na.
Isa pa gid suno kay Gonzales amo ang prosesyon nga kun tani ang pagkumpanyar sa pagkapatay sang Hari, apang ang nagakatabo amo nga ginakabig sang tawo nga ini tion para maglagaw.
Nagapanugyan si Gonzales, nga balikan kun ano katahum ang esturya sa paghalad sang Ginoo sang iya kabuhi para sa kaluwasan sang tawo.
