Padayon pa ang imbestigasyon sang Hinobaan Municipal Police Station agud nga matumod ang rason sang pagkasunog sang isa ka balay kun sa diin napatay ang isa ka Person With Disability (PWD) matapos malakip sa sa nasunog sa Purok Dos, Brgy. Asia, Hinobaan, Negros Occidental sang Lunes, Disyembre 25, sang gab-i.
Sa interview sang Bombo Radyo Bacolod kay Police Major Ramel Bustamante, Chief of Police sang Hinoba-an Municipal Police Station, ginkilala ang biktima kay Edwin Lopez, 39 anyos, kag residente sang nasambit nga lugar.
Suno kay Bustamante, santo sa imbestigasyon, ginpahayag sang pamilya nga makapila na ka beses sang biktima gintuyo nga sunugon ang iya nga tiyangge.
Suno sa hepe, nagapadayon ang ila nga imbestigasyon kag may yara man sila sang koordinasyon sa Bureau of Fire Protection agud nga mahibaluan kun ano gid ang gintunaan sang kalayo nga nagtuga sang sunog.
Ginpahayag man nga ang biktima ang nagasuprer sang depression bangud sa sitwasyon sini.
Ginpatindugan man sang pamilya sang tiyangge ang biktima nga bisan paano may kalingawan ini.
Suno kay Bustamante, ginaimbestigaran nila sang maayo ang insidente kaupod ang Hinobaan Fire Station agud nga masiguro nga wala sang foul play.
