Ginpakigbahin sang station commander sang Bacolod Police Station 4 ang journey sini bilang isa ka amay kag pulis.
Sa interview sang Bombo Radyo Bacolod kay Police Major Elmer Bonilla, may tatlo ini ka bata duha ka lalaki kag isa ka babayi.
Suno diri, naghambal ang iya bata nga luyag mangin pulis kaangay niya apang iya ini ginhambalan nga mas maayo nga mangita sila sang banas nga para gid sa ila.
Suno kay Bonilla, lain ang disiplina sa trabaho kag sa sulod sang panimalay nga sa pagpa-athag sini kun gamiton sini ang disiplina sa iya trabaho sa ila balay, maresulta ini sa paglayo sang buot sang iya pamilya sa iya.
Ginapa-intindi man sini sa iya asawa nga prayoridad nila ang ila trabaho kag indi ang ila personal nga gusto.
Samtang, bilang pulis naintindihan man ni Bonilla may yara sang risgo sa iya trabaho nga mahimo maka-apekto sa iya pamilya apang nagapanindugan ini nga dapat ang tawo nga may malain nga ginahimo ang mahadlok sa pulis kag indi nga sila pa ang mahadlok sa pahog sang mga may sala.
Pahayag sang station commander mahapos lang mangin pulis apang mabudlay mangin amay apang apisar sini maayo man sa gihapon ang iya naeksperyensyahan kun paano mangin amay sang pamilya.
