Natukiban sang Local Government Unit sang ciudad sang Bacolod nga may yara sang travel agency nga nagagamit sang peke nga business permit.
Suno kay Atty Vanessa Encabo, spokesperson sang Bacolod City Legal Office, nareport sa ila ang Business Permit and Licensing Office nga may yara sang travel agency nga nagatanyag sang travel kag tour sa local man ukon sa abroad paagi sa online transaction.
Suno diri, nagpatigayon sila sang ocular inspection sa address sang DMT travel and tours nga agency, apang wala sang may makit-an nga opisina sang ahensya santo sa ila address.
Suno pa diri, may yara sang business permit ang agency apang peke ini bangod ang logo sang ciudad iya pa sang tinalikdan nga administrasyon, lain ang perma ni anay Bacolod City Mayor kag sa karun Congressman Albee Benitez, indi mabasahan nga QR code kag madamo sang sala nga spelling sa business permit.
Pahayag ni Encabo nga makabig nga scam ang travel agency bangod indi ini legit.
