Isa ka tuig nga bata nga babayi, nalumos sa sapa sa Moises Padilla

Nalumos sa sapa ang isa ka tuig nga bata nga babayi sa banwa sang Moises Padilla nga ginbilin sang iya ginikanan sa iya magulang kahapon.

Sa impormasyon nga nakuha sang Bombo Radyo, nagahampang sa gwa sang balay ang biktima apang makaligad ang pila ka oras, wala na ini nakit-an sang iya magulang nga nagaedad sang walo ka tuig.

Makaligad ang pila ka oras nga pagpangita sang mga himata, nasapwan nga nagautaw-utaw ang bata sa sapa.