Lima tanan ka mga political aspirant para sa magkatuhay nga provincial positions sa Negros Occidental ang nagfile sang Certificate of Candidacy.
Kahapon, nagfile si Rosemarie Dreyfus sang Silay City bilang bise gobernador sang probinsya kag siya ang magakontra kay Board Member Joven Alonso nga nauna nagfile sang COC.
Nagfile man agud magpare-elect si 5th District Board Member Rita Gatuslao.
Samtang si Atty. Hope Marie Depasucat Sason ang nag-file naman bilang board member sang 3rd District.
Si Sason ang bata ni anay EB Magalona Mayor kag 3rd District Board Member Atty. Rey Depasucat.
Nagfile man sang COC bilang board member sang 6th District si Brgy. Talubangi, Kabankalan Kagawad Michael Legaspi.
Antes pa man magtakop ang opisina sang COMELEC kahapon nagfile man si Cherie Hope Maravilla agud nga magpapili bilang board member sang 5th District.
Nagapabilin nga matawhay ang COC filing sa probinsya sang Negros Occidental.
