Isa naman ka passenger jet sa South Korea, nakaeksperyensya sang unidentified landing-gear issue

Nakaeksperyensya sang unidentified landing-gear issue ang isa naman ka eroplano sang Jeju Air nga nagdepart sa Gimpo Airport sa Seoul padulong sa Jeju subong nga adlaw, December 30, matapos nga magtake-off apang nagbalik sa Gimpo kun sa diin ini ang nakalanding sang hilway.

Ini ang ginreport sang Yonhap news.

Ang unidentified landing-gear issue ang nagluntad matapos nga ang Jeju Air nga may sakay nga 181 ka mga tawo gikan sa Thailand padulong sa South Korea ang nagcrash kahapon kun sa diin nakabunggo pa ini sa pader sang airport kag nagkalayo kun sa diin 179 ang napatay kag duha nga nakasurvive nga padayon nga ginabulong sa ospital.