Isa nanaman ka wildfire ang nagluntad sa norte nga bahin sang Los Angeles sang Miyerkules nga naglapta sa masobra 9,400 acres ukon 38 square kilometer, bangud sa makusog nga hangin kag dry brush, nga gintunaan sang mandatory evacuation orders para sa masobra 31,000 ka mga persona.
Ang Hughes fire kapin 50 miles ukon 80 km sa norte sang Los Angeles ang mas naghatag sang pagpanghangkat sa mga bombero sa rehiyon nga sa karun, natigayon na nga napalong ang duha ka major fires sa metropolitan area.
Pagkatapos sang pila ka oras sang Miyerkules, nagluntad ang bag-o nga fire nga may kalaparon nga two-thirds sang Eaton Fire, isa sa duha ka mga monster conflagrations nga nagtupok sa Los Angeles area.
Nagpaandam ang mga opisyales sa mga pumuluyo sa Castaic Lake area sang Los Angeles County nga sila ang nagapangatubang “immediate threat to life” samtang kalabanan sa Southern California ang nagapabilin nga napaidalum sa isa ka red-flag warning para sa extreme fire risk bangud sa makusog kag mala nga hangin.
