Nakilala naman ang isa pa sa duha mga biktima nga nasapwan sa Hacienda San Isidro, Barangay Concepcion, Talisay City, Negros Occidental.
Nahibaluan nga isa sa duha ka biktima sa Brgy Concepcion ang nakilala nga si Mars Relles, 48-anyos, residente sang Purok Pedring, Barangay Estefania, Bacolod City.
Sa interview sang Bombo Radyo Bacolod kay Police Lt. Col. Alvin Christopher Baybayan, Chief of Police sang Talisay City Police Station, santo sa nakuha sini nga impormasyon nagikan sa Special Investigation Task Group ang isa pa sa duha ka bangkay sa Barangay Concepcion ang ginkilala kay alyas Koykoy nga residente sang Candoni, Negros Occidental kag isa ka mangunguma apang tumandok sang San Enrique.
Possible magkilalahay si Kokoy kag ang isa pa ka bangkay nga nasapwan sa lugar nga si Mars Relles nga residente sang Brgy. Estefania sa ciudad sang Bacolod.
Suno kay Baybayan, mahimo nga kilalahay ang duha.
Madumduman nga asod-asod nga nasapwan ang mga bangkay sang Agosto 11.
Alas-2:20 sang kaagahon, may nakit-an nga motorsiklo kag helmet sa kilid sang kakampuhan sa Hacienda San Isidro, Barangay Concepcion kag sang gintsekyar didto na nasapwan ang bangkay sang isa ka lalaki.
Alas-9:00 sang aga, nasapwan ang ikaduha nga bangkay nga nagaka-agnas na sa Hacienda Minuluan Mendoza, Barangay Matab-ang kag alas-2:00 sang hapon, may isa pa gid ka bangkay nga nasapwan kalapit lamang sa una nga bangkay.
Sa karun, nagapabilin nga wala sang identity ang nagaka-agnas nga bangkay nga nasapwan sa Hacienda Minuluan Mendoza sa Barangay Matab-ang.
Nagapadayon man ang imbestigasyon sang mga kapulisan agud nga matumod ang motibo sa pagpatay sa mga biktima.
