Isa ang napatay samtang duha ang nasamaran matapos nga nabungguan sang tanker truck ang isa ka food cart sa boulevard sa National Highway of Purok 2, Brgy. Palaka, Valladolid, Negros Occidental kahapon sang hapon., July 5, 2026.
Sa interview sang Bombo Radyo Bacolod kay Police Master Sergeant Eduardo Combong, Investigator on Case sang Valladolid Municipal Police Station, napiyungan ang driver gani nabungguan niya ang food cart kag nalapakan ang mga vendors nga sanday Ramilie Galinba, 36 anyos, babayi, may live in partner; Miko Galinba, 19 anyos kag Hannah Mae Maasin, 17 anyos kag lunsay mga residente sang Purok Sampaguita, Brgy. Poblacion, Valladolid, Negros Occidental.
Ginrespondehan sang mga kapulisan ang aksidente kag gindala sang mga rescuers ang tatlo sa Valladolid District Hospital apang si Ramilie ang gindeklarar nga dead on arrival samtang ang duha ang padayon pa nga ginabulong.
Ang driver sang tanker truck ang ginkilala kay Dionesio Liboon Jr, 57 anyos, kasado kag residente sang PH4 B7 L10, Brgy Handumanan, Bacolod City.
Suno kay Combong, ginkustodiya na sang Valladolid Municipal Police Station si Liboon kag natalana pasakaan sang kaso nga Reckless Imprudence resulting to homicide and damage of property.
