Patay ang driver sang Sports Utility Vehicle samtang pilason ang apat ka iban pa matapos nabungguanay ang SUV kag ceres bus sa banwa sang Hinigaran.
Sa impormasyon nga nakuha sang Bombo Radyo, ang driver sang SUV ang ginkilala kay Jenibert Eleber, 31-anyos, residente sang Barangay Santo Rosario, Binalbagan samtang ang ceres bus naman ang ginamaneho ni Rene Gonzales Pacheco, 51-anyos, residente sang Barangay Alianza, Bago City.
Suno sa pahayag ni Pacheco, nakit-an na sini nga nagabalang-balang ang dalagan sang SUV gani nagtinguha ini nga magpreno apang wala na siya nakalikaw kag nagbungguanay ang mga ini.
Nagtabog ang SUV kag nagtupa sa katubuhan.
Bangud sa makusog nga impact, nadulaan sang kabuhi si Eleber kag wala na natabangan sa ospital samtang pilason naman si Pacheco kag tatlo sini ka mga pasahero.
