Isa ang patay samtang apat pilason sa nagluntad nga karambola sang tatlo ka motorsiklo sa banwa sang Murcia, Negros Occidental.
Santo sa imbestigasyon sang Murcia Municipal Police Station, ang vehicle 1, isa ka Rusi Sprinter nga ginamaneho ni Joemer Bardoquillo, 24 anyos kag residente sang Purok Palma, Barangay Kumaliskis, banwa sang Salvador Benedicto ang nagabiyahe sa national highway gikan sa Salvador Benedicto padulong sa Poblacion, Murcia ang nag-overtake sa truck apang nadulaan sang control gani natumba kag nagtabog ini padulong sa pihak nga lane kun sa diin nabungguan sini ang vehicle 2 nga isa ka Suzuki FI125 nga ginamaneho ni Cris Maquiling samtang nakaangkas diri si Regie Aloquina lunsay mga residente sang Barangay Taculing, Bacolod City nga naga-usoy sa pihak nga direksyon.
Bangud sa impact natumba ang vehicle 2 nga nagresulta sa pagkabunggo sa vehicle 3 nga isa ka Rusi Flair 125 nga ginamaneho ni Ronila Modanza kag angkas sini ang iya asawa nga si Yolanda Modanza, lunsay mga residente sang Brgy Abo-abo Murcia, Negros Occidental.
Gindala si Bardoquillo sa Murcial Health Unit agud nga madapatan sang pagbulong apang gindekalarar ini nga dead on arrival.
Samtang nadapatan naman sang pagbulong ang driver sang vehicle 2 kag 3 kasubong man ang mga angkas sang mga ini.
Ang mga motorsiklo nga imbulbado sa aksidente ang gindala sa Murcia Municipal Police Station.
