Patay ang 26 anyos nga lalaki samtang pilason naman ang duha sini ka kaupod matapos makuryente sa Purok 1, Barangay Nabali-an, ciudad sang Himamaylan, Negros Occidnetal, kahapon, alas-8:25 sang aga.
Sa interview sang Bombo Radyo Bacolod kay Police Lt Col. Anthony Grande, hepe sang Himamaylan City Police Station, ang mga biktima ang ginkilala nga sanday alyas Jade, 26-anyos, alyas Kent, 43-anyos kag alyas Kim, 18-anyos, lunsay residente sang Purok 4 sang nasambit nga barangay.
Suno diri, ginsugo sang Punong Brgy ang tatlo nga itransfer ang poste bangod may i-install nga solar powered street light sa lugar.
Sang ginasaylo ang poste aksidente nga natandog sa live wire rason nga nakuryente ang tatlo.
Dead on arrival si alyas Jade samtang ang duha naman ang yara na sa estable nga kondisyon.
Ginsabat naman sang Punong Barangay ang tanan nga gasto sa pagpalubong kag sa pagpabulong sa mga biktima.
