Isa patay, isa pilason matapos nakadanlog kag nakabunggo ang motorsiklo sa dalan sa ciudad sang Bago kaina sang kaagahon

Patay ang backrider nga lalaki matapos nga nakadanlog ang motorsiklo nga ila ginasakyan sa Purok Elga Zone, Barangay Don Jorge Araneta sa ciudad sang Bago kaina sang kaagahon.

Ang driver sang motorsiklo amo si Edmar Sedorio, 19 anyos samtang ang backrider naman amo si Regie Marfil, 30 anyos, lunsay mga resdiente sang Hacienda Hibong, Barangay Don Jorge Araneta.

Santo sa inisyal nga pag-usisa, nadulaan sang kontrol ang driver kag gilayon nga nagdiretso sa natuo nga bahin sang dalan kun sa diin nakabunggo ini sa concretre barrrier.

Nag- agom sang serious injury ang driver samtang patay naman ang backrider sang motorsiklo.