-- ADVERTISEMENT --
Isa ang patay kag isa ang pilason matapos makabunggo ang tricycle sa mini-van sa Barangay Paraiso, Sagay City, Negros Occidental kagab-i.
Suno kay Police Staff Sgt. Richard Agustin, imbestigador sang Sagay City Police Station, nagikan sa Barangay Fabrica ang tricycle nga ginamaneho ni Gerald Sumpay, 20-anyos, residente sang Barangay Paraiso, Sagay City sang nakabunggo sa mini-van nga ginamaneho ni Neljohn Omiter sang Barangay Fabrica, alas-9:00 sang gab-i.
Pataklad ang mini-van sa Barangay Fabrica sang nasanggit sang tricycle ang driver’s side.
Bangud sa patal nga pilas, gilayon nga ginbawian sang kabuhi si Sumpay samtang nagasgasan naman si Omiter.
Suno sa traffic investigator, mahimo nga may settlement sa magtimbang nga kampo.
-- ADVERTISEMENT --
