Isa patay kag isa ka pilason sa nagluntad nga pag-ilinaway sang mag-utod sa Sitio Mojon, Brgy. Calas-gaan, Bais City, Negros Oriental, sang Martes sang kaagahon, Pebrero 11, 2025.
Sa inisyal nga report sang mga kapulisan sa ciudad sang Bais, ang nag-ilinaway nga mag-utod ang ginkilala kanday Alyas Mario kay Alyas Renato.
Nag-inaway ang mag-utod kun sa diin una nga gintiro ni Alyas Mario sang dala sini nga armas-luthang si Alyas Renato kun sa diin nakibyasan ini sa dughan.
Nakakuha sang kahoy si Alyas Renato kun sa diin ginlampusan sini sa ulo si Alyas Mario sang makapilas ka beses.
Ginpahayag sang mga nakasaksi nga nag-ugat ang pag-ilinaway sang mag-utod sang ginguba ni Alyas Renato ang balay ni Alyas Mario.
Gindala sa ospital si alyas Renato samtang ginbawian naman sang kabuhi si Alyas Mario.
Narekober sa crime scene ang kahoy nga gingamit ni alyas Renato samtang nakadetain naman ini sa karun sa Bais City Police Station.
