Isa patay kag siyam ang pilason matapos nga magbunggo-anay ang motrosiklo kag tricycle sa Lores Road, Brgy Luna, ciudad sang Cadiz, kahapon.
Ang drayber sang motorsiklo ang ginkilala nga si alyas Bert, 24 anyos samtang ang drayber naman sang tricycle ang ginkilala nga sanday Gerald Demafiles, 34 anyos, kag ang mga pasahero nga sakay sang trciycle amo sanday Josefina Rolium, Arlyn Rolium, Rachelyn Alacre, Jean Demafiles, Caljun Dianala kag duha ka menor de edad.
Sa interview sang Bombo Radyo Bacolod kay Police Lt. Lovella Cordova, deputy chief of police sang Cadiz City Police Station, opposite direction ang byahe sang motorsiklo kag tricycle kun sa diin nagbunggo-anay ang mga ini.
Bangod sa makusog nga impact, napatay si alias Bert samtang pilason naman si Demafiles kag mga pasahero sini.
Suno kay Cordova, may initial settlement na ang pamilya sang drayber sang motorsiklo kag sang mga sakay sang tricycle.
