Patay ang isa ka persona samtang tatlo ang nasamaran sa nagluntad nga mass shooting sa Chicago, USA kahapon, Disyembre 28.
Suno sa mga kapulisan, nagluntad ang insidente pasado alas-2:00 sang kaagahon sang pasakay na sa ila salakyan ang mga biktima sa River North District.
Ginpalapitan sila sang isa ka lalaki kag hinali na lamang nga ginpangtiro.
Na-igo sa nagkalain-lain nga bahin sang lawas ang 34-anyos nga biktima kag ginhingagaw dala sa ospital apang ginbawian sang kabuhi.
Ang 34-anyos nga biktima ang na-igo sang bala sa bahin sang tiyan, may igo naman sa likod ang 43-anyos nga biktima, kag ang 35-anyos nga biktima naman ang naka-angkon sang madamo nga igo sang bala sa nagkalainlain nga bahin sang iya lawas.
Gindala na sa ospital ang mga nasamaran nga biktima kag padayon ang ila pagbulong.
Samtang, ang suspect ang gilayon nakapalagyo antes pa man naka-abot ang mga kapulisan.
Ginahibalo pa sang mga otoridad ang motibo sa krimen.
