Isa pilason matapos magbaliskad ang Mitsubishi Adventure sa border sang Bacolod kag Talisay kagab-i

Isa ka pasahero ang pilason matapos nagbaliskad ang Mitsubishi Adventure sa dalan Lacson, sakop sang Barangay Banago syudad sang Bacolod malapit sa border control sa Talisay-Bacolod kagab-i.

Suno kay Police Staff Sergeant Brian Cordero, traffic investigator sang Bacolod Police Station 3, pasulod sa syudad sang Bacolod ang Adventure sang nagluntad ang aksidente.

Suno kay Cordero, naalang-alang sa ginasundan nga motorsiklo ang Adventure rasun kun ngaa nagsaka ini sa center island kag nagbaliskad.

Nakaangkon sang minor nga pilas ang pasahero sang Adventure samtang wala naman nasamaran ang driver nga ginkilala kay Rodolfo Rebadonia.

Wala man sang iban pa nga salakyan ukon mga tawo nga naulamid sa amo nga aksidente.