Nakilal-an na ang isa sa tatlo ka mga bangkay nga nasapwan sa ciudad sang Talisay, Negros Occidental kahapon.
Alas- 2:20 kahapon sang kaagahon may nakit-an nga motorsiklo kag helmet sa kilid sang kakampuhan kag sang gintsekyar ang area didto na nasapwan ang bangkay sang isa ka lalaki.
Alas- 9:00 sang aga, nasapwan ang ikaduha nga bangkay nga nagaka-agnas na sa Hacienda Minuluan Mendoza, Barangay Matab-ang.
Ini ang nagasuksok sang blue nga shorts.
Kag alas- 2:00 sang hapon, may isa pa gid ka bangkay nga nasapwan sa parehas nga kampo sa Hacienda San Isidro, Barangay Concepcion kun diin nasapwan ang una nga bangkay.
Sa interview sang Bombo Radyo Bacolod kay Police Major Rhazl Jim Jocson, Deputy Chief of Police sang Talisay City Police Station, positibo nga ginkilala sang pamilya ang ikatatlo nga lalaki nga nasapwan kahapon.
Suno diri, ang napatay ang ginkilala nga si Alyas Dodoy, 47 anyos, kasado kag may kabataan kag residente sang Brgy Estefania, Bacolod City.
Nagpadulong ang pulis sa balay sang pamilya bangod may yara sang report nga namissing ang ila himata.
Padayon naman ang panawagan nila sa mga may nadulaan sang himata nga magpadulong sa ila nga estasyon agud makilal-an pa gid ang duha ka lalaki nga napatay.
