Nakilala na ang isa sa apat ka miyembro sang New People’s Army nga napatay sa nagluntad nga series of encounters sa tunga sang New People’s Army kag tropa sang gobyerno sa Barangay Carabalan, syudad sang Himamaylan, Negros Occidental, sang Mraso 1.
Ini ang ginkilala nga si Andre Cose, 33 anyos residente sang Purok Maligaya, Sibaca, siyudad sang Cadiz, Negros Occidental.
Si Cose ang isa sa miyembro sang Squad 3, Regional Striking Force.
Ini ang ginpadulongan sang utod niya sa City Social Welfare Development Office, apang indi na sini makuha ang bangkay, gani ini na lang ang ginhatagan sang death certificate.
Madumduman nga ginlubong ang apat ka rebelde matapos ang pila ka adlaw nga naglabay nga wala sang may nag-claim.
Gani may ginbilin lamang nga pictures sang mga rebelde agud nga kun may magpalapit nga pamilya, ila matumod ang mga ini.
Ginbutangan man sang markings ang ginlubngan agud matultulan ini sang pamilya.
Tubtob sa karun, isa pa lamang sa ila ang naidentify.
