Tuig 2010 pa nadula kag nagbiya sa ila puluy-an sa Cadiz City ang isa sa apat ka mga New People’s Army nga napatay sa nagluntad nga series of encounters sa tunga sang New People’s Army kag tropa sang gobyerno sa Barangay Carabalan, syudad sang Himamaylan, Negros Occidental, sang Mraso 1.
Sa interview sang Bombo Radyo kay Captain Ed Rarugal, communication officer sang 94th Infantry Battalion sang Philippine Army, ginkilala sang iya utod si Andre Cose, 33 anyos residente sang Purok Maligaya, Sibaca, siyudad sang Cadiz, Negros Occidental.
Si Cose ang isa sa miyembro sang Squad 3, Regional Striking Force.
Suno kay Rarugal, nagpadulong ang utod ni Cose sa City Social Welfare Development Office dala ang ID sini kag ID sang rebelde nga napatay kag nakumpirmar ang iya identity.
Suno diri, indi na makuha sang mga himata ang bangkay bangud ini ang ginpalubong na sa Himamaylan Public Cemetery sang Marso 4, gani ini na lang ang ginhatagan sang death certificate.
Suno sa iya, ginpahayag sang utod ni Cose nga tuig 2010 pa sang naglayas sa ila balay ang utod sini kag sumugod sadto wala na nila ini nakit-an.
