Ginapatihan nga babayi ang isa sa duha ka nagaka-agnas nga bangkay nga nasapwan sa First Farmers Holding Corporation, Brgy Dos Hermanas, Talisay City.
Sa interview sang Bombo Radyo Bacolod kay Police Lt. Col. Alvin Christopher Baybayan, hepe sang Talisay City Police Station, ginapatiha nga babayi ang isa ka bangkay santo sa gamit kag panapton sini.
Suno diri, mabudlay na nga makilala ang identity sang mga bangkay bangod yara na sa adlvance stage of decomposition kag ginahulat na lamang ang resulta sang post mortem examination.
Palamangkotanon sa karun suno kay Baybayan kun ngaa wala nagreport sa kapulisan ang mga tawo sa lugar matapos nga may gina-alegar may nabatian nga walo ka lupok sang armas luthang kun sa diin nasapwan ang duha ka bangkay.
Rason sang mga residente, wala na nila ini ginsapak bangod masami man nga nagafiring didto ang mga gwardya sang sugar central kag nasapwan na lamang ang mga bangkay sang mga kabataan nga nagsulod sa compound.
Nagapanawagan sa karun si Baybayon sa kun sin-o man makahatag sang impormasyon nga makabulig sa krimen.
Samtang, pahayag sini, makabig sa gihapon nga malinong nga ciudad ang Talisay apisar nga nagdangat na sa lima ka bangkay ang nasapwan sa sulod lamang sang isa ka bulan apang lunsay man indi residente sa nasambit nga lugar.
