Natumod na ang identity sang isa sa duha ka mga lalaki nga nasapwan nga bangkay na sa Purok Mainuswagon, Barangay Atipuluan ciudad sang Bago nagligad nga Agosto 27 sang gab-i.
Suno sa Bago City Police Station, ang isa ka lalaki ang ginkilala kay Christo Rey Genolos sang Barangay 35, Bacolod City.
Mismo ang misis sini ang nag-identify sa biktima.
Santo sa police record, si Genolos ang may kaso nga murder sa Talisay City.
Samtang ang isa naman ka lalaki ang wala pa sang pangalan sa karon bisan nagkadto na sa Bago City Police Station ang hinablos sini.
Suno sa kapulisan, dapat ang immediate family sang biktima ang maidentify sa iya.
Nahibaluan nga nakit-an ang bangkay sa kilid sang dalan, sila ang nakabaklid kag may pilas sa ulo.
May yara man sang karatula sa ila tupad nga may nakasulat nga sila ang drug pushers.
