Dakop sa ginpatigayon nga drug buybust operation sang Bacolod Police Station 3 ang isa sa mga nagtiro sa isa ka babayi sa Purok Langis, Barangay Banago ciudad sang Bacolod sang Enero 3, 2025.
Sa interview sang Bombo Radyo Bacolod kay Police Captain Rondyl Tapang, station commander sang Bacolod Police Station 3, natigayon ang buybust operation kun sa diin ang suspek nga si Alyas Michael ang nakuhaan sang sachets sang suspected shabu kag isa ka home-made shotgun.
Suno kay Tapang, isa man ini sa nagtiro kay alyas Lovely nga nagapaayo na sa karun gikan sa naagom nga samad.
Si alyas Michael ang nakuhaan sang 3.9 grams sang suspected shabu kag nagabalor sang P26,520.
Ang naaresto ang wala sang kaso sa station 3 apang madamo na sang mga krimen nga ginhimo sa lugar.
