Nagsungka na sa mga otoridad ang isa sa mga suspetsado nga nagpatay kay Negros Oriental Governor Roel Degamo kag walo ka iban pa sa Barangay San Isidro, Pamplona sang Marso 4.
Sa joint press conference kaina sang aga, ginkumpirmar ni Interior and Local Government Secretary Benhur Abalos nga amo man ang pinuno sang Special Task Force, nga nagsungka ang isa sa mga suspetsado.
Suno kay Abalos, ang suspetsado ang yara na sa karon sa kustodiya sang Armed Forces of the Philippines kag igaturnover sa National Bureau of Investigation.
Suno kay Abalos, ang suspetsado ang may vital information sa kaso.
Suno kay AFP chief General Andres Centino, ang suspect ang nagsungka sa military personnel sa Negros Oriental sang Biyernes.
Sang weekend, ang suspetsado ang gindala sa Manila.
Suno kay DOJ Secretary Jesus Crispin Remulla, ang suspetsado nga isa ka anay suldado ang isa sa main players kag direct participants sa pagpatay.
Suno kay Remulla, ang mga gintuad sang suspetsado ang nagasanto sa nauna nga statement nga ginhatag sang iban nga mga suspetsado kag kilala man sini ang mga tawo nga involved.
Sa karon suno kay Remulla, ginapangita pa ang apat tubtub walo ka mga tawo nga involved sa pagpatay.
