Nakilala na ang isa ka suspetsado sa Degamo assassination nga napatay matapos ginaalegar nagbato sa mga pulis kag suldado nga nagpatigayon sang hot pursuit operations sa Barangay Cansumalig, Bayawan City, Negros Oriental sang Marso 4 sang gab-i.
Suno sa Special Joint Task Force Negros, ang napatay ang ginkilala kay Arnel Libradilla, residente sang Sitio Awang, Barangay Atotes, Bindoy, Negros Oriental.
Natumod ang identity sini matapos nga ginkilala sang iban pa nga suspetsado sa Degamo assassination.
Si Libradilla ang nagpanago sa kampo sang tubo apang nagpalupok ini sa mga suldado kag kapulisan gani siya ang napatay sang nagbalos ang mga otoridad.
Si Libradilla ang ginapahayag nga anay miyembro sang New People’s Army.
Nahibaluan nga ang apat ka mga suspetsado sa Degamo killing ang mga anay miyembro sang Philippine Army.
Ini ang ginalakipan nanday Joric Garido Labrador; Joven Calibjo Javier, Osmundo Rojas Rivero, kag Rickyvelle Espe Luces; samtang pangayaw man sa Negros si Benjie Rodriguez.
Sa karon, anom na ka mga suspetsado sa Pamplona massacre ang natumod – lima ang priso kag isa ang patay.
