Siyam ka panibag-o na kaso sang COVID-19 positive ang nagdugang sa Negros Occidental kahapon, santo sa ginpagwa nga Western Visayas COVID-19 Case Bulletin No. 91.
Si Western Visayas Patient No. 230 ang isa ka 23 anyos nga lalaki, residente sang Escalante City, locally stranded individual (LSI) nagikan sa Cebu kag yara sa karon sa EB Magalona provincial healing center; si Patient No. 231 ang isa ka 29 anyos nga babayi, residente sang Victorias City, LSI nagikan sa Manila kag yara sa karon sa EB Magalona provincial healing center; si Patient No. 232 ang isa ka 24 anyos nga babayi, residente sang San Enrique, LSI nagikan sa Manila kag yara sa karon sa EB Magalona provincial healing center; si Patient No. 233 ang isa ka 48 anyos nga lalaki, residente sang Hinigaran, LSI nagikan sa Cebu kag yara sa karon sa EB Magalona provincial healing center; samtang si Patient No. 234 ang isa ka 21 anyos nga babayi, residente sa Himamaylan, LSI nagikan sa Manila kag yara sa karon sa EB Magalona provincial healing center.
Nagdugang man sanday Patient No. 235, isa ka 27 anyos nga lalaki, residente sang Cadiz City, isa ka authorized person outside residence (APOR), may ubo, kag yara sa karon naka-admit sa Cadiz District Hospital; Patient No. 236 ang isa ka 52 anyos nga babayi, residente sang Victorias City, LSI nagikan sa Manila kag yara sa karon sa EB Magalona provincial healing center; Patient No. 239 ang isa ka 25 anyos nga babayi, residente sang Hinobaan, LSI nagikan sa Manila kag yara sa karon sa EB Magalona provincial healing center; kag si Patient No. 240 ang isa ka 25 anyos nga babayi, residente sa Cadiz City, LSI nagikan sa Manila kag yara sa karon sa EB Magalona provincial healing center.
Sa karon nagdangat na sa 77 ang kabug-usan nga kaso sang COVID-19 sa probinsya sang Negros Occidental.
Samtang nagdugang naman sang isa ka kaso sang COVID-19 sa siyudad sang Bacolod.
Si Western Visayas Patient No. 237 ukon si Bacolod Patient No. 31 ang isa ka 29 anyos nga babayi kag LSI nga nagikan sa Manila.
Hunyo 17 sang maghalin ini sa Manila kag nag-abot sa Bacolod-Silay airport kag gilayon naman nga gindala sa quarantine facility sakay sa city bus.
Gilayon ini nga ginkuhaan sang swab test kag nag-abot ang resulta nga positibo kahapon.
Ang mga pasyente ang lunsay mga asymptomatic magluwas nalang kay Western Visayas Patient No. 235 ukon Negros Occidental Patient No. 74 nga may ginasuprer nga ubo.
Ang kabug-usan nga positibo nga kaso karon sa Bacolod City ang nagdangat na sa 31.
Samtang sa ulihi nga datos, ang kabug-usan nga kaso sang COVID-19 sa Western Visayas ang nagdangat na sa 240 kun sa diin, 106 diri ang aktibo, samtang duha naman ang bag-o nga nakarecover nga nagdangat na sa kabug-usan nga 123 ka recoveries, kag nagapabilin naman nga 11 ang mga nagtaliwan bangod sa COVID-19.
