Nakahibalo bala kamo nga may yara sang isda nga sarang mabuhi bisan apat ka adlaw nga wala sa tubig? Ang snakehead fish ukon Toman makit-an sa Calumpit, Bulacan apang ginakabig ini nga invasive species bangod ginakaon sini ang mga native kag endemic nga isda.
Ang mga Toman, native ukon naggikan sa Indonesia, Malaysia kag Thailand apang bangod sa sport fishing, nakalab-ot ini sa Pilipinas.
Bangod territorial ang Toman, ginakagat nila bisan ano man nga isda nga maglabay sa ila teritoryo, dalagko man ukon magagmay nga isda.
Kun lantawon, kaangay nga daw man-og ang snakehead bangod sa hitsura sini kag himbis.
Sarang sini magginhawa bisan nga yara sa nabaw nga tubig ukon bisan wala sang tubig.
Sarang man sini mabuhi nga wala sang tubig sa sulod sang apat ka adlaw kag voracious eater ang mga ini nga may tubtob apat ka layer ang unto.
Ginapatihan man nga amat-amat gina-ubos sang Toman ang mga native nga isda sa Calumpit amo nga peste ang pagkabig sang iban sa ila.
Abiso sang mga eksperto nga kaonon kag indi basta-basta nga buy-an ang Toman sa baybayon.
