Hugot nga magabantay ang Philippine Coast Guard batok sa pagpatigayon sang mga island hopping kag pagpangisda karun nga malain ang tiyempo.
Sa interview sang Bombo Radyo Bacolod kay Lt Carla de Guzman, Commander sang Coast Guard Southern Negros Occidental, ang PCG ang nag-augment sa mga nagluntad nga pagbaha sa pila ka local government units sa Negros Occidental.
Kalakip na diri ang banwa sang Cauayan kun sa diin sila ang nagpanguna sa rescue operations sang kaagahon, samtang padayun man ang mga rescue operations sa iban pa nga banwa kag ciudad kaangay sa Binalbagan, Kabankalan City, Ilog, Himamaylan kag iban pa.
Nakastandby man ang ila personnel sa mga substations sa Southern Negros Occidental.
Ang PCG ang nagapagwa naman sang travel advisory nga makit-an sa ila mga facebook accounts.
Temporaryo man nila nga ginsuspender ang island hopping kag pagpangisda sang mga magagmay nga sakayan.
