Island hopping kag pagpangisda, hugot nga ginadumilian bangod sa mabaskog nga pagbalod tuga sang Bagyo OPONG

Naghatag sang pahanumdom ang Philippine Coast Guard Station Southern Negros Occidental nga ginadumilian ang island hopping bangod sa malain nga tyempo dala sang Typhoon OPONG.

Suno kay Lt Carla De Guzman, commanding officer sang Coast Guard Station Southern Negros Occidental, wala ginapahanugotan ang mga mananagat nga magpadulong sa baybay kag wala man ginapahanugotan ang island hopping sa southern part sang probinsya.

Suno diri, padayon ang ila pahanumdom sa tion nga may yara sang bagyo kag padayon man ang ila monitoring sa kadagatan agud masiguro ang safety sang mga residente ilabi na sa mga nagapuyo malapit sa baybayon.

Pahanumdom sini sa tanan nga maghalong, magpreparar kag magbantay sa weather updates.