Ginpasalig sang pinuno sang Coast Guard Station Negros Occidental nga nakahanda ang mga ini bisan anu oras nga kinahanglanon ang ila serbisyo sa pagbalik sang byahe sang mga barko nga nagalayag Bacolod-Iloilo vice versa.
Ginpahayag ni Commander Jansen Benjamin nga sa tion nga may yara sang pasahero nga nagapakita sang sintomas, iga-isolate ini sa nakahanda nga isolation facility sa terminal.
May yara man sang gin-install nga swab booth sa terminal para sa arrival sang mga residente sang probinsya.
Suno kay Benjamin, dapat may yara sang physical distancing ang mga pasahero, 50 percent lang ang dapat nga ikarga nga pasahero, dapat may yara sang alcohol ukon hand washing stations, kag pagsuksok sang facemasks.
Antes magpasakay sa barko, dapat nadisinfect kag may yara sang health declaration card kun sa diin may yara sang kuhaan sang detalye ingkaso may nagpositibo, mas mahapos ang ipatuman nga contact tracing sa mga nakaupod sini nga pasahero.
Nagpanugyan man ini sa residente nga sundon ang mga health protocols kag mga otoridad.
Importante man nga ipabilin ang self-awareness kag maayo man ini nga present development ang pagbalik sang biyahe sang fastcraft kag mahimo na maka-karga sang mga pasahero ang roll-on roll-off vessel apang santo sa ginapatuman nga pagsulundan.
Guided man ang mga ini sang patakaran nga gindagdag sang national Inter Agency Task Force (IATF) angot sa sea trips.
