Israel, ginpaulanan sang mas madamo nga missiles ang mga Hezbollah targets sa Lebanon kahapon

Gin-igo sang Israel ang mas madamo nga targets sa Lebanon sang Domingo matapos ang kamatayon sang leader sang Hezbollah militants nga si Sayyed Hassan Nasrallah kag pila sa iban sini nga mga top commanders sa isa ka escalating military campaign.

Matapos ang kamatayon ni Nasrallah, nga napatay sa isa ka massive airstrikes sa Beirut sang Biyernes, ang Hezbollah ang naglunsyar sang bag-o nga mga fusillades sang mga rockets pasulod sa Israel samtang suno sa Iran, sila ang magatimalos para sa kamatayon sini.

Ang naga-intensify nga pagpang-atake sang Israel ang nagpasanyog sang kahangawa nga indi na macontrolar ang konflikto kag ginapasulod ang Iran kasubong man ang malapit nga kaalyado sang Israel nga amu ang Estados Unidos.