Nagkasugot ang Israeli military kag Palestinian militant group nga Hamas sa tatlo ka separado nga zoned three day pauses sa pag-ilinaway sa Gaza Strip agud mapahanugutan ang pagbakuna sang kapin 640,000 ka mga kabataan batok sa polio suno sa isa ka senior official sang World Health Organization.
Ang vaccination campaign ang nagsugod sang Domingo suno kay Rik Peeperkorn, senior official sa World Health Organization para sa Palestinian territories.
Suno diri, santo sa kasugtanan, ang pauses ang magasugod humalin alas 6:00 sang aga tubtob alas 3:00 sang hapon.
Magasugod ang campaign sa central Gaza sa sulod sang tatlo ka adlaw nga pag-untat sa pag-ilinaway kag magasaylo sa southern Gaza kun sa diin may yara man sang patigayunon nga separado nga tatlo ka adlaw nga pause kag pagasundan sang northern Gaza.
Ginkumpirmar sang WHO sang Agosto 23 nga indi magnubo sa isa ka lapsag ang naparalyze sang type 2 polio virus, ang labing una nga kaso sa teritoryo sa sulod sang 25 ka tuig.
