Ginpahayag ni US President Donald Trump nga nagpasugot na ang Israel sa mga kondisyon agud i-finalize ang isa ka 60-day ceasefire, kun sa diin pagagamiton nga tion agud matapos na ang gyera.
Suno diri, ang mga representatives nagikan sa Qatar kag Egypt ang magadeliver sang final proposal sa Hamas.
Nagalaom ini nga para sa ikaayo sang Middle East, batunon sang Hamas ang deal bangud kun indi, mas magalala lamang ang sitwasyon.
Sa isa ka social media post, ginpahayag ni Trump nga ang iya mga representatives ang may yara sang malawig kag produktibo nga meeting kaupod ang mga Israeli officials natuhoy sa Gaza.
Wala naman sini gintumod ang iya mga representatives apang natalana nga makigkita kay Ron Dermer sanday US special envoy Steve Witkoff, Secretary of State Marco Rubio kag Vice President JD Vance.
Si Dermer ang isa ka senior adviser ni Israeli Prime Minister Benjamin Netanyahu.
