Naglunsyar ang Israel sang lapnagon nga air kag artillery strikes sa southern kag eastern Lebanon matapos sini ginpahayag nga mas pabaskugon pa ang operasyon batok sa Hezbollah.
Suno sa Israeli military, masobra 100 ka target nga konektado sa Hezbollah ang ila nga naiguan sa isa sa pinakamadako nga pag-atake humalin sang nag-umpisa ang ceasefire sang Abril 17.
Sa Bekaa Valley, 11 katao ang ginbawian sang kabuhi lakip ang duha ka bata matapos maiguan ang banwa sang Mashghara, santo sa health ministry sang Lebanon.
Ginpabugal man sang militar sang Israel nga ila ginguba ang mga pasilidad sang mga armas, command centers, kag observation posts sang Hezbollah.
Samtang, padayon naman ang pagbaylohanay sang lupok sa tunga sang Israel kag Hezbollah, nga nagtuga sang kahadlok kag pagbakwit sang mga residente, ilabi na sa southern suburbs sang Beirut.
Ginapatihan nagdangat sa kapin 3,000 ang napatay sa Lebanon humalin sang nag-umpisa ang gyera.
