Gin-aprubahan na sang parliament sang Israel ang isa ka hagna nga naga-ban sa main United Nations aid agency para sa Gaza Strip nga nagtuga sang pagpamatok sa international community.
Apisar sang mga pagpamatok nagikan sa Estados Unidos kag mga warnings nagikan sa UN Security Council, natigayon nga napasar sang mga mamalidha sa Israel ang hagna nga nagaban sa United Nations agency for Palestinian refugees, UNRWA, sa pagtrabaho sa Israel kag occupied east Jerusalem.
Hugot nga ginakontrolar sang Israel ang tanan nga humanitarian aid shipments padulong sa Gaza kag nagpasar man ang mga mamalidha sang isa ka hagna nga nagadumili sa mga Israeli officials sa pagtrabaho kaupod ang UNRWA kag ang mga empleyado sini.
Suno kay Yuli Edelstein, isa sa mga mamalidha nga nagsponsor sang bill, may yara sang madalom nga koneksyon sa tunga sang terorista nga Hamas kag UNRWA kag indi ini matolerar sang Israel.
