Bulan sa Setyembre nagaselebrar sang Christmas ang pungsod Israel kag indi bulan sang Disyembre.
Sa interview sang Bombo Radyo Bacolod kay Elvie Aviador Pregua, Bombo International News Correspondent sa Israel, ang mga Israelis kun Christmas ang nagahanda sang pagkaon santo sa kun ano ang nakasaad sa bibliya.
Ang mga pagkaon ang nalakipan sang honey, tinapay kag mga apple kag ginapangamuyuan pagkatapos magpangamuyo nagakaon na sila para sa ila panyapon.
Sa karun wala man sang makita nga Christmas decorations kag normal lamang sang makita sa palibot.
Samtang wala naman ini nahadlok bisan nagagiyera bangud daw kaangay nga normal na ini para sa ila kag naanad na sila.
Suno kay Pregua ang ginabantayan lamang nila ang pagpalupad sang missiles kag rocket bangud nagasulod ang mga ini sa shelter kaupod ang ila nga alaga agud nga mangin safe.
Ginpahayag man sini nga may ginahatag man nga incentives sa ila ang ila nga mga amo kag libre man ang ila pagpaospital ingkaso nga kinahanglanon.
Suno diri, lain gid katama ang panggobyerno sang Israel kumparar sa Pilipinas gani daw wala na sila sang gana nga magpauli diri.
